Vawiin khan Agriculture Conference Hall, Kolasib ah Agriculture Department hnuaia Trade 3 a  NLUP-NEDP Beneficiary te hnenah NLUP tanpuina sum sem a ni.

He hun ah hian District Agricultural Officer Pu R.Lalnunzira chuan thu sawiin Sawrkar Flagship Policy NLUP hnuaia tanpuina sum sem te chu rinawm taka hman a pawimawh thu a sawi a, rim tak leh taima taka thawh chuan hlawhtlinna kawng a awm thin a ni ati. A sem ni leh tanpuina dawn lai chauh a phur loin a thawh leh a tih hlawhtlin lamah pawh phur tel a ngai a ni tiin mipuite hmakhua ngaia Sawrkar in Policy tha tak a kalpui mek tihhlawhtling turin mipuite rinawmna a pawimawh a ni a ti. Khuarel chhiatna in harsatna a thlen te a nihloh chuan Sawrkar Policy leh Programme te tih hlawhtlin harsa a niloa, Rinawmna leh taihmakna nena thawh chuan hlawhtlinna kawng a awm reng a ni a ti bawk a. Thawhrah/Result tha neih tuma hmalak a hun tawh ani tiin Hmasawn zel tur chuan Ram/Khua leilung faten kan zir a pawimawh thu a tarlang a, thlai, huan, lo ram enkawl danah pawh hriatthiam loh leh harsatana nei tan chuan mithiamte rawn hreh loa, Kolasib District chu Potential Area a nihna chu phhochhuak turin mahni hmazawn theuha mawhphurna te chu rinawm taka hlen turin kalkhawm te a chah bawk a ni.

He hun hi Pu Lalengliana, SDAO, Kolasib in a kaihruai a, Pi Lallawmzuali , AEO (Hqrs) hnen atangin report kan dawn dan in he hunah hian NLUP-NEDP Convergence tanpuina dawngtute hi mi 12 niin Wet Rice Cultivation-1 ah mi 4 in cheng 60,050 theuh an dawng a, Wet Rice Cultivation-2 ah mi 7 in cheng 63,550 theuh dawngin Oil Palm Cultivation ah mi 1 cheng 60,000 a dawng a ni. Mi 12 te hnena tanpuina sum sem chhuah hi a vaiin cheng 7,45,050/- a ni . He hun hi Pu Joseph lalnuntuanga’n  lawmthu sawina in a khar a ni.