Vawiin khan Agriculture Department (Crop Husbandry)-a thawktute chuan Director of Agriculture (Crop Husbandry), Pu Rohmingthanga Colney kaihhruaiin Agriculture Committee Room-ah SEDP sum hmanga hmalak dan tur sawi hona neiin kum 2020 chhunga SEDP hmalakna tur ruahman hrang hrang Power Point Presentation hmangin an sawi ho.

Meeting-ah hian Pu Rohmingthanga Colney, Director of Agriculture (Crop Husbandry) chuan fuihna thu sawiin, Mizoram Sorkar-in Agriculture lama intodelh a ngaihpawimawh thu a sawi a, chumi tihlawhtling tura theihtawp chhuah theuh turin kalkhawmte a ngen.

SEDP hnuaiah hian Agriculture Department chuan loneitu dinhmun chawikan a, lei rem an rah theihna tura theihtawp chhuah nghal tum a ni a. Mizoram Sorkar chuan Vaimim chin nan Rs.160.90 lakh leh Be lam chi (Pulses) chin nan Rs.212.74 lakh Agriculture Department kutah a dah tawh a. Heng sum leh paite hi tangkai tak leh awmze neia hman a nih a, loneituten Vaimim leh Be lama intodelh ngeina tur leh, ran chaw kan mamawh ang te thar chhuah nana hman a nih ngei theihna turte an duang chhuak a. Thlai thar chauh ni lova man man zawk leh rate hre saa suma chantir dan pawh ruahman nghal a ni.

He Meeting-ah hian District tin atangin District Agriculture Officer leh anmahni puitu Officer-te bakah Directorate of Agriculture-a Officer-te an tel a ni.