Vawiin khan Khawzawl DC Conference Hall-ah Khawzawl Bawrhsap Pu H.Lianzela MCS., hovin India Republic Day vawi 71-na lawm dan tur rel a ni a. Khawzawl khaw chhunga sorkar department hrang hrang leh tlawmngai pawl aiawhte an tel a ni.

He hunah hian DC Pu H.Lianzela chuan, India ni pawimawh Republic Day lawmna huaihawttu chu district administration lam ni mahse, a neitu chu mipuite a ni tih hriat reng a tul thu a sawi a, he ni lawmna atana chanvo leh mawhphurhna nei tura ruat zawng zawngte chu tha taka an tih turte hlen teuh turin a sawm a ni.

Meeting chuan, kumin Republic Day, January Ni 26 chu Pathianni a nih avangin inkhawm tibuai lo turin zing dar 7:00-ah Khawzawl Mualvawm field-ah lawm ni se, an ti a. Kum dang ang bawkin parade contingent - armed, unarmed leh school naupang ten neih leh ni se an ti bawk a ni. Republic Day-ah hian sorkar pisa zawng zawngah leh mimal in-ah a thei apiangin hnam puanzar zar ni se, an ti a. Republic Day lawmnaah hian sorkar hnatlawk zawng zawngte chu kal vek ni se, mipuite pawh kal a theih anga tam kal nise tiin meeting ah hian rel a ni bawk.

Attachment

  • Loading attachment...