USA-a cham mek Dr. R. Lalthangliana, Minister, Health & Family Welfare, Higher & Technical Education leh Commerce & Industries chuan January Ni 6 khan UNAIDS-a an International Director Pi Regan Hofmann leh UNAIDS Official-te nen Washington DC, USA ah meeting pawimawh an nei a. He meeting-ah hian Minster Dr.R.Lalthangliana chuan Mizoram AIDS/HIV dinhmun tlangpui tarlangin uluk lehzual a UNAIDS-ten kawng hrang hranga an thiamna leh hmanrua neih ang ang leh a tul dana zira sum leh technical support lam thleng pawh a Mizoram harsatnate hriatthiam pui a, hma lakpui turin a thlen a. UNAIDS hotute chuan Minister thil thlente chu an ngaih pawimawh thu leh a theih ang anga Mizoram tana theihtawp chhuah an tum thu Minister hi an lo hrilh a ni. Hun reilote hnuah Mizoram sawrkara Official-te nen hmalak zel dan tur sawiho tha a tih thu UNAIDS Director hian Health Minister Dr.R.Lalthangliana hi a chah nghal bawk a ni.

UNAIDS-te nena meeting an neih hnu January Ni 7 khan Dr. R. Lalthangliana Minister chuan John Hopkins Programme for International Education in Gyneacology and Obsteterics (John Hopkins University Affiliate (JHPIEGO), Baltimore, Thames Street, USA-a International Headquarters Office-ah an President & CEO ni bawk Pi Leslie Mancuso leh Official te nen meeting an nei a.

Mizoram state hi JHPIEGO-te nen Central sawrkar kaltlanga Comprehensive Primary Care, Ayushman Bharat kaltlanga Health & Wellness Centres din chhoh zel na tur USAID Funds atanga hmalakna a ni a. Mizoram a Health Sub- Centres te nasa lehzual a tihchangtlun a, B. Sc Nursing Graduates awpna hnuaia kalpui na tur a ni. Tuna Mizoram a Sub-Centres zawng zawng te, Health & Wellness Centres-a hlankai a, thiamna sang zawk nei thawktu leh damdawi leh hmanraw tha zawk nena thuamna bakah Mizoram a kan PHC neih mekte tih changtlunna tur projects pawimawh tak a ni.

Heng meeting pahnih a neihpui bakah hian Minister Dr. R.Lalthangliana hian Washington DC, USA-a World Bank hotu Pi Trina Haque, Chief Manager leh official dang pawimawh tak takte hnenah Mizoram sawrkar hnuaia Health Department hmalak zelna tur atan a Mizoram sawrkar leh Central sawrkar kaltlanga Preliminary Project Proposals tihhlawhtlin a nih theih nana hma la turin a thlen nghal bawk. World Banks Officials-te pawh in, theihtawp chhuah an tum thu Health Minister hi an lo hrilh.