Vawiin khan Aizawl Municipal Corporation a thawktute chuan Kum 2020 atan Inhlantharna hun AMC Auditorium-ah an hmang a, Deputy Chief Minister Pu Tawnluia chuan fuihna thuchah a sawi a ni.

Deputy Chief Minister Pu Tawnluia chuan AMC chak zawka a kal theih nan leh Mayor leh Deputy Mayor tha leh dinhmun tih chak turin sorkar chuan Mizoram Municipalities Amendment Act 2019 a siam a, Executive Council pawh reilote ah din a ni ang a, hna an thawk thei thuai ang, a ti a. AMC hmalakna a zau zela, thawktu indaihlohna phuhruk nan post siam belh a ni a chumi te lakna tur chuan Recruitment Rules felfai tak sorkar chuan a duang fel tawh a ni, tiin a sawi bawk a. Deputy Chief Minister chuan Aizawl khawpui a cheng te hmasawn nan AMC chuan hma nasa takin a la mek a, Parking Regulation, Traffic tawt tih ziaawm nan Multi-level Car Parking Projects te, faina lama hmasawn nan Tuirial Dumping Ground a bawlhhlawh hal tawhlo in Solid Waste Management Facility Tuirial-ah SIPMIU kaltlanga sak-ah AMC chuan khawpuia bawlhhlawh te awmze neia sawngbawl hna a thawk mek bawk a ni, a ti a. AMC hnathawhnaah Department dang leh mipui ten en thawh hona tha a awm zel nan thawktute a fuih a, office dawrtu te chu dawhtheihna leh tanpui duhna rilru pu a dawr vek turin a chah a bawk a ni.

Deputy Minister Pu Tawnluia hi Aizawl North III Bialtu MLA Pu C. Lalmuanpuia leh UD&PA Secretary leh midangte’n an tawiawm a ni.