Vawiin khan BNRGSK Hall, Lungdaiah Agriculture Department Kolasib hnuaia NLUP 3rd leh 4th Phase a beneficiaries 188 hnenah NLUP tanpuina Rs.52.55 lacs sem a ni a, bialtu MLA Pu Hmingdailova Khiangte in a hmanpui.
Pu Hmingdailova Khiangte chuan NLUP chu intodelh ram kan nih theih nana duan a nih thu sawiin, taima tak leh dik taka tanpuina sum dawnte kan hman chuan a hlawhtlin theih a ni a ti a. A dawngtu ten an dawn tur ang kim taka an dawng thin chu a semtu department te rinawmna tilangtu a ni tiin, lawmawm a tih thu a sawi bawk.
Vawiin a NLUP sem hi Lungdai, Nisapui, Bukpui, Lungmuat, N.Chaltlang leh Zanlawn a beneficiary 188 te hnenah sem a ni a.
3rd Phase hnuaiah
1. WRC - I mi pakhat hnenah Rs.39,000/-
2. WRC -II mi 73 hnenah Rs.28,000/- theuhin
3. Oil Palm chin thlangtu mi 48 hnenah Rs.28,000/- theuhin
4. Sugarcane chin thlangtu mi pakhat hnenah Rs.20,000/-
4th Phase hnuaiah
1. WRC-I mi pahnih hnenah Rs.39,000/- theuhin
2. WRC-II mi 44 hnenah Rs.28,000/- theuhin
3. Oil Palm chin thlangtu mi 18 hnenah Rs.28,000/- theuhin
4. Sugarcane chin thlangtu mi pakhat hnenah Rs.20,000/-.
Page Links: https://dipr.mizoram.gov.in/post/agriculture-department-kolasib-in-nlup-semp
AGRICULTURE DEPARTMENT, KOLASIB IN NLUP SEM
