Vawiin khan Ministry of Agriculture & Farmers Welfare, Govt Of India atanga lokal Dr. A.S.Rajput, Regional Director, Regional Center of Organic Farming, Nagpur leh Dr. Sachin Kumar Vaid, Jr. Scientist, Regional Center of Organic Farming, Imphal ten kum 2015 - 16  chhunga Mizoram sorkarin Paramparagat Krishi Vikash Yojana (PKVY) (Organic Farming) a kalpui dan Agriculture Deparrtment Committee Roomah an rawn enpui.

Mizorama hmalakna enho leh vilzuina neihah hian Agriculture Department Crop Husbandry Director Pu J.Lalzamliana chuan district hrang hranga PKVY hnuaia hmalak dan te a sawi a. Dr. A.S.Rajput chuan scheme hnuaia hnathawh tur hmabak awm te tha taka hlen chhuak turin Agriculture Officer te chu fuihin, Mizoram chu he scheme hnuaia hnathawk tha pawl a nih thu leh nasa leh zuala theihtawp chhuah chho zel turin a sawm nghal bawk a ni.

Ni hnih chhungin district tina hmalak dan te mithiam lokalte hian an enfiah nghal dawn a ni.