Vawiin chawhma dar 11:00 khan Agriculture Conference Hall, Serchhipah NLUP-NEDP Convergence atanga tanpuina sum Rs. 848600 chu chhungkaw 13 hnenah an hlan. 

He hunah hian Pu Lalringliana, Sub-Divisional Agriculture Office chuan thu sawiin, sawrkarin sum lama harsatna a tawh mek laia hetiang duhsakna an dawng hi loneitute an vannei hle ani, a ti a, hlawhtlinpui ngei tura theihtawp chhuah turin a chah. Lei rem an rah a, an dinhmun an siam thatna atana sawrkar thil tum hi tihlawhtling turin loneitu te leh department thawktute  tan tlan a tul a, an hmalaknate pawh uluk taka endik thin a ni dawn a ni a ti a. Harsatna nei an awm chuan tanpui tur  in an inhuam reng a ni a ti bawk. 

Vawiina tanpuina sum dawngtu chhungkaw 13 te hi Serchhip Cluster ah chhungkaw 2, Tuikum clusterah chhungkaw 7, leh Hrangturzo clusterah chhungkaw 4 an ni a. Trade hrang hrang- WRC –I, WRC –II leh Sugarcane ah te tanpuina hi an bank account kaltlanga pek vek an ni.