Vawiin khan State Level Organising Committee chuan Winter Festival, 2017 neihna tur Tuirial Airfield-ah a hmun hma enfiahna hun an nei a. Winter Festival hi Tourism Department buatsaih a ni.

Winter Festival, 2017 hi ni thum awh tur niin November Ni 23-25,2017 chhunga hman tur a ni a. Opening Day November Ni 23 hian Deputy Speaker Pu R.Lalrinawma chu Khuallian tur niin November Ni 25 hian Tourism Minister, Pu John Rotluangliana chu Khuallian tura ruahman a ni.

Winter Festival 2017-ah hian hnam zai leh hnam lam hrang hrang bakah MIMSA-in Bike Stunt show, Martial arts leh a dangte entir a ni dawn a. Zaithiam leh Band lar tak tak an zai dawn bawk a. Intihhlimna chi hrang hrang - Photo Booth, Rifle Shooting, Carnival, Archery, Aeromodelling , Kids Playground, Hot Air Balloon, Powered Hang Glider a awm dawn a. Handloom leh Handicrafts Stall awm tura ruahman niin ei leh inna tur nen Stall 30 chuang a awm dawn bawk a ni.

Vawiin enfiahna-ah hian Tourism Department, Excise & Narcotics Department, PWD, PHE Department , P&E Department, I&PR Department, Fire & Emergency Services, KVI,Traffic, Security leh Aizawl SP aiawhte an tel a ni.