November ni 15 leh 16  chhunga Guwahati-a hmarchhak state hrang hranga High School zirlaite Science Quiz hmanga inelna Sci Connect of  North East Grand Finale-ah Mizoram Team-te chu Pahnihna an ni. He Quiz competition hi Hmarchhak State te tan bika buatsaih a ni a. Mizoram bikah chuan Mizoram Science, Technology & Innovation Council (MISTIC) huaihawtin March thla khan District tinah written test hmanga bul tan niin chuta titha zirlai 15 te chu team hrang hrangah inthenin Aizawl-ah an inel leh a, chuta team titha ber chuan Mizoram ai an awh ta a ni. He inelnah hian Tripura Team chu pakhatna niin an champion-a, Mizoram Team te pahnihna niin Sikkim Team ten pathumna an hauh a ni.

Grand Finale-ah hian India hmarchhak state pariat an tel kim a, Mizoram atanga telte hi MISTIC bultuma kal an ni a, chungtechu Lalremsiama Darchhun, P.C. Lalchhuanawma leh Lalthlamuani te niin St. Pauls Higher Secondary School-a pawl 10 zirlai vek an ni. Competition-a tel naupangte hi Pu Davy Lalruatliana, Scientific Officer leh Pu John Lalchhuanawma Sailo, Technical Assistant, MISTIC ten an hruai.

Sci-Connect(North East) hi Department of Science & Technology (DST), New Delhi hnuaia pawl pakhat Vigyaan Prasar buatsaih a ni a. Northeast-a zirlaite Science lama nasa leh zuala hma an sawn theihna tura hmalakna niin high School zirlai zinga Science  lama talent tha tak tak nei te haichhuahna tura hmalakna pawimawh tak a ni.