806/2022-2023
Nikir thla ni 7, 2022: Vawiin khan Primary Health Centre (PHC), Sangau building thar chu Lawngtlai East Bialtu MLA & Agriculture Development Board Vice Chairman Pu H. Biakzaua chuan a hawng.

PHC Sangau building hi State Priority Programme (SPP) 2018-2019 kal tlanga sum hmuh a?anga thawh niin, ? nuai 145 senga sak a ni a. December 17, 2019 khan hna ?an niin, April 10, 2021 khan thawh zawh a ni a. A hna hi Zamzo Engineering Construction & Consultancy te'n an thawk a ni.

Pu H. Biakzaua chuan Sangau khua leh a chhehvel mipuite'na ?angkai taka an hman theih tura PHC Sangau building sak thar hawn theih a ni ta chu lawmawm a tih thu a sawi a. Mizoram sawrkarin hriselna a ngai pawimawh hle a, hriselna kawngah ?an pawh a la nasa tih sawiin, Lawngtlai District-ah pawh Health Clinic Centre sawmpakhat (11) lai hawn belh a nih thu leh, Lawngtlai khawpui chhungah pali ( 4) leh Sangau RD Block huam chhungah pasarih (7) dah a nih thu a sawi. Health Sub-Centre awm lohna khuaah te Health Clinic Centre dah vek tura hma lak a nih thu sawiin, a hmunhma te pawh en fel tawh a ni, a ti bawk.

He hun hi Lawngtlai Chief Medical Officer (CMO) Dr LP Malsawma'n kaihruaiin, LIKBK Sangau East Bialtu Pastor Rev. F. Vanlalengzuala'n hunserh a hmang a. Lai Autonomous District Council-a LAD changtu Executive Member Pu C. Rongura leh H&FW Department-a Joint Director Dr Vanlalsawma te hnen a?angin thu sawi ngaihthlak a ni a. Sangau PHC-a Medical Officer Dr Noel Lalremruata Sailo chuan lawm thu a sawi a ni.

Pu H. Biakzaua hi LADC-a Executive Member-te - Pu C. Rongura, Pu BN Thangpuia, Pu JB Vanhoy te leh Town Committee Chairman Pu Sanghuliana Mualchin leh MNF party hruaitute'n an ?awiawm a ni.

Attachment

  • Loading attachment...