Vawiin  chawhma dar 10:30 khan District Agricultural Officer, Aizawl chuan Field Officers meeting, DAO Office, Aizawl ah an nei. District chhunga Field Officers leh Staff an kal tha hle.

He hun hman puitu Pu C. Lalniliana, Joint Director (MMA) chuan ‘Technical mi an nih angin kan antuaihriam fo a tul a, Buh leh Bal thar tam-na tur leh  intodelh theihna tur chuan theihtawp kan chhuah a ngaih a ni’ thu sawiin . Department hmalakna hrang hrang tihlawhtling tur chuan field level atanga theihtawp chhuah leh thawhrimna, inpekna a ngai, a ti bawk. Sawrkar in Buh thar tam kum a puan bawhzuina kal zel ah District hrang hrang a monitoring  neih tawh dan te Power Point Presentation hmangin a entir bawk.

He meeting kaihruaitu Pu H. Thankhuma, DAO, Aizawl pawhin Field Officers meeting koh a nih chhan, Buh thar tam kum bawhzui zel na tur leh Rabi Season a Department hmalakna tur hrang hrang  Circle Officer-te leh PIA te ruahmanna thlir ho a nih tur thu sawiin  kumin 2011 chhunga Aizawl District chhunga an hmalakna hrang hrang a entir bawk. Aizawl District-ah hian Agriculture Department hnuaiah NLUP thlangtu mi 751 awm in khaw 107 an tuam a ni.

He meeting ah hian Pu C. Lalnithanga, Asst. Plant Protection Officer chuan Buh ti chhetu rannung lar zual deuh deuh leh a ven dan, kawng hrang hrang a loneitute harsatna tawh mek leh a hmun a tlawh dan te, Fu leh Sawhthing natna hrang hrang leh a enkawl dan kalkhawm te hrilhin zirtirna hun a hmang bawk.

Meeting hi chawhnu lamah chhunzawm niin Rabi Season lo awm tur atana District hmalakna tur Circle hrang hrang atanga Programme duan lawk te sawizui nghal a ni a, theitawp chhuaha tan la thar zel turin Officers leh Staff kalkhawmte an in chah nghal bawk.