Vawiin khan  IMPCC meeting chu AIR Conference Hall-ah neih a ni a, member an tel tha hle. Pu Zosangzuala, AIR Director in meeting kaihhruaiin August thla chhunga ‘theme’ bawhzui dan AIR, DDK leh State sorkar department hrang hrangin an bawhzui dan report a ni a ; AIR leh DDK ten tan an la nasa hle. Health & Family Welfare department te, AH & Vety leh Forest Department ten tan an lak dan ngaihthlak a ni bawk.

AH & Vety in saruh/sachhia duh loh, lei tha leh hmanraw danga an sawngbawlna khawl thar tha tak mai chu Mizoten kan hman tangkai a duhawmzia te, Health & Family Welfare in nausen thi tam lutuk titlem tura hma a lakna a hlawhtlin chuan sorkar laipuiin Rs. 2,000./- crores zet lawmman min pek theih tur thu te report a ni. Mizoram District tina Damdawi In leh thawktute chhawr tangkai turin nausen piang zawng zawng an dam khaw chhuahna tura nu hriselna ngaih pawimawh tulzia an sawi.

September thla thupui atan ‘Thing leh mau humhalh (Preservation of Forests/Trees and bamboos) an thlang. Mizoram  khaw tina miten kan ram chhunga thing leh mau te hlawk taka kan chhawr theih nan, mahni ram leh mau humhalh tulzia zirtirna pek tam tul an ti hle a ni.

IMPCC Meeting lehna atan PIB Conference Hall. A hun atan September 29, 2011 ruat a ni.