Vawiin Ni 11.02.2020 (Thawhlehni) chawhma dar 11:00 khan Pu C. Lalrinsanga, Agriculture Minister chuan a Office ah Agriculture Secretariat leh Agriculture Directorate pahnih - Crop Husbandry leh Research & Extension-a Officer te ko khawmin Agriculture Department hnuaia Scheme leh Project hrang hranga kum 2019-20 chhunga an hmalaknate an sawi ho a. Kum 2020-21 financial year lo awm tur atana Department hmalakna tur leh Budget thar tur thlirhona neih a ni bawk.

Pu C.Lalrinsanga chuan Agriculture Department hnuaia Centrally Sponsored Scheme leh Central Sector Scheme hrang hrangte chu thawhhona tha zawk nei thei tura hma la turin Department Officer kalkhawm te chu a chah.

Minister chuan District hrang hranga Oil Palm chingtuten tun aia hlawk zawka an thar chhuahte an hralh theih nan sorkarin theihtawp a chhuah zel tur thu a sawi a. Mission Organic Value Chain Development for North East Region (MOVCD-NER) hnuaia hmalakna te chu lawmawm a tih thu leh organic thlai tharchhuah kawng a tan lak zual deuh deuh a tul thu a sawi bawk.