Vawiin khan DC Conference Hall, Mamit-ah District Level Committee on BADP Mamit District chu Dr Lalrozama, IAS District Bawrhsap kaihruaina-in thutkhawm a ni a. Pu Lalrintluanga Sailo, MLA 2-Dampa/Deputy Gov’t Chief Whip leh Er H. Lalzirliana, 3-Mamit MLA te chuan an telpui bawk.

Meeting kaihruaitu Dr Lalrozama chuan kalkhawmte chungah lawmthu a sawi a. Sawrkar laipui atanga hmasawnna, hnathawhna tur lokalte a nih tur ang taka hmang tur leh Officials te pawhin uluk leh taima taka hnathawhte en zui a tul dawn thu a sawi. 

Meeting-ah hian BADP Annual Action Plan 2020-2021 thlirho a ni a. Mamit District chhunga BADP sum hmanga, hmasawnna hna kalpuina tur chhawpchhuah hrang hrang zingah hian, Inkalpawhna kawngpui thuamthat, thalaite infiamna lama hma kan sawn theihnan  khelmual siam/cheithat, Skill Development, Community Centers bakah hmasawnna hna hrang hrang hrang thawhna tur plan siam a ni.

Vawiin Meeting-ah Mamit District chhung Zawlnuam leh W.Phaileng RD Block huamchhunga rualkhai taka hmasawnna hna a kal theihna turin Annual Action Plan 2020- 2021 chu thlirho a, zirchianna neih zui nghal a ni.

Meeting-ah hian Mamit District chhunga MLA pahnih Pu Lalrintluanga, Sailo, 2-Dampa, Er H. Lalzirliana, 3-Mamit,  Zawlnuam leh W. Phaileng BDO bakah District Level Committee Members- te an tel a ni