582/2023-2024

Aizawl the 25th May, 2023 : Vawiin khan Agriculture Minister Office chamber ah Directorate a Officers te, District Agriculture Officers te leh Senior Scientists & Head, KVKs ten Agriculture Department hnuaia hma lakna hrang hrang leh hma lak leh na tur hrang hrang te sawi hona hun neih a ni.

Review Meeting hi Pu C Lalrinsanga, Minister, Agriculture Department chuan a kaihruai a, District hrang hrang atanga lo kal khawm te chu lawmna thu sawiin meeting koh a nih chhan te a sawi fiah a. Minister, Agriculture Department sawmna angin Pu J Rothanga, Joint Director of Agriculture (R&E) in meeting Agenda te sawihawnna hun a nei.

Meeting a thu rel te chu:-

1. Mizoram hmun hrang hrang a leilet neituten mumal tak leh awmze nei zawk leh hlawk zawk a buh an chin theih nan Framers Producer Organization (FPO) District tin ah din ni se. Collective Farming Policy Cabinet in a lo pass tawh nen a rual a kal ho ni se ti a sawi ho a ni a. Heng Framers Producer Organization (FPO) te hi mumal tak a awareness te neih pui a, an lo hlawhtlin ngei theih nan farm mechanization lam a tha tak a thuam ni se ti a sawi ho a ni.

2. Department in a scheme thar a kalpui tur Agro Forestry chu KVK ten kalpui in hma la se ti a sawi ho a ni a. He scheme hnuaiah hian Registered Nursery te din tur niin chu nuesery ah chuan sum chang thei thing (Quality seedlings) hmang a kuitiah a farmers te chin tir atana pek chhuah tur a ni.

3. Districts tin a KVKs ten trial leh demonstration an kalpui thin te farmers ten tangkai zawk leh hlawk zawk a hman zel theih nan Workshop neih thin ni se tih a ni.

4. Tun dinhmun ah District hrang hrang ah Fall Army Worm (FAW) te a lo awm leh tan tawh avangin a control nan nasa tak a hma lo la leh tur in District Agriculture Officers leh KVKs te hriattir an ni.

5. OP-12 Biofertilizer Department in a siamchhuah chu a tam thei ang ber loneitute hman tur a chhawpchhuah ni se ti a sawi ho a ni a.

6. Kum tin a kan thlai chi mamawh tam tak sum seng a kan lei thin chu tualchhung ah lo thar ve theih a ni a. Hemi kawng a kan harsatna tawh thin sutkian nan hian Seed Village Programme chu uar zawk in kalpui ni se ti a rel a ni.

7. Mizo la (Mizo Cotton -Land race variety) chu a riral mai loh nan KVKs hrang hrang ah te lo ching pung zel se ti a sawi ho a ni.