2904/2022-2023

Lunglei the 1st December' 2022 : Vawiin khan Mizo Upa Pawl Run Rahsiveng ah Mizo Upa Pawl Rahsiveng Unit din champha vawi 47 na lawm a ni. Pu C. Lalrinsanga, Minister, Agriculture, Cooperation leh Irrigation & Water Resources Department leh bialtu MLA nibawk chuan khuallian niin a hmanpui.

MUP din champha lawmna inkhawm hi Pu L.H. Sanghluna, Vice President, MUP Rahsiveng Unit chuan kaihruaiin khuallian Pu C. Lalrinsanga chuan MUP Rahsiveng Unit din champha vawi 47 na lawmna a khuallian tura sawm a ni chu lawmawm a ti a. Pawl huap zau leh zahawm zonun zemawi chawi nung tu Mizo Upa Pawl kan nei hi kan vannei tak zet a ni tiin upa te hi tar at nei tura siam kan ni lo va, kan rilru, kan ngaituahna te dahhniam lova in tih chak thar zel a tunlai hmasawnna kawngah pawh in tuaithar zel turin a duh a ni. Upa te hi chhungkua, khawtlang leh kohhran te ti zahawmtu leh timawitu an nih thu a sawiin thalai te thurawn pe thei tu ni theuh turin leh kristian nun dan tha ngaisang a vawng nung zel turin a chah bawk a ni. Pu C. Lalrinsanga chuan kuthnathawktute hmasawnna turin sorkarin theitawp a chhuah zel dawn a ni tiin thlai eichhetu rannung, rannung hmang veka thahna Bio Control Laboratory Lengpui a sak mek chu hawn tep a nih thu leh tissue culture hmanga Alu chi siamna, Thingdawl ah din tum a nih thu te tarlan bakah chemical tello lei tha OP12 Bio Fertilizer siamna Sihphir,Neihbawih ramah din fel anih tawh thute a tarlang bawk.

Pu Johny Zoramthanga, Secretary, MUP Rahsiveng Unit chuan report pein MUP Rahsiveng Unit hi 1st December, 1975 ah din a ni a, tunah member 345 awmin, vantlang hmun pawimawh vawi 3 tih fai hna an thawh bakah Covid-19 tuarte tanpuina Rs 10,000/-an pek thu a tarlang a ni.

He hunah hian President MUP Hqrs. Lunglei, President MUP Rahsiveng Unit, Village Council, Rahsiveng, Branch YMA, Rahsiveng leh MHIP Unit Rahsiveng aiawh ten thusawina an nei a ni.

Kum 2022 chhunga upa pawl member boral te sunna hun hman a ni bawk.