3449/2024-2025

Aizawl, the 10th December 2024: Vawiin khan Mizoram Economic Association(MEA) chuan Hrangbana College-ah Annual Business cum Academic Conference an hmang a.He hun hi Agriculture Minister Pu P.C. Vanlalruata chuan Khuallian niin a hmanpui.

Agriculture Minister chuan Conference thupui Entrepreneurship and innovation chungchanga mimal leh sawrkar anga hmalakna hrang hrangte a sawi a. Agricultural Manufacturing a sawrkar hmalak tum a nih thu te, hand holding policy hmanga hmasawnna nasa tak Mizoramin kan neih a beisei thu leh Mizoram Agricultural policy mumal tak kan mamawh thu te a sawi.

He hunah hian Prof. Vanlalchhawna, Finance Officer, Mizoram University, keynote Address neiin Mizoram University in kum 25 na a tlin dawn tawh laia, he university atanga Central services a in ziak tling kan la awm lo chu a tlawmngaih thlak thu sawiin tanlak kan la ngaih thu a sawi hmasa. Entrepreneurship leh Innovation chungchang a hriat tur pawimawh hrang hrangte pawh tarlangin, College leh university a zirtirtu kal khawmte chu hemi lama nasa taka an zirlaite fuih turin a chah ani.

Conference opening session hi MEA President Dr. James LT Thanga’n a kaihruai a chawhnu lamah hian Annual Business leh Academic Conference neih chhunzawm a ni.