3450/2024-2025

Siaha the 10th Dec 2024: Vawiin khan District Hub for Empowerment of Women (DHEW) leh Women and Child Development Siaha te buatsaihin ‘International Human Rights Day cum 16 Days Campaign on Elimination of Gender Based Violence’ kharna hun chu MADC Golden Jubilee Hall-ah hman a ni.

Pi. B. Zisia, DMC, DHEW chuan he hun hi a kaihruai a, Pi. Hepaw Hlychho, CDPO Siaha chuan kalkhawmte lawmna thu a sawi. Pu Teddy T. Lalnunrema, Protection Officer, NIC, DCPU hnen atangin thusawi ngaithlak a ni a, India Sawrkar in Mihring dikna chanvo a ngaihpawimawh zia leh mahni dikna chanvo hriat theuh chu mitin mawhphurhna leh zalenna ti famkim tu anih thu a sawi bawk. Pi Imelda C. Zomuanzuali, Centre Administrator, OSC chuan Gender Based Violence chungchang sawiin kalkhawmte hnenah hmeichhia hleilenna tuar emaw hmeichhia-te dah hnuaihnun chu dan phalloh leh, engtiklai pawha an tan an din reng thu leh an tlukluhna tur diktak a ni tih a tarlang bawk.

He hun denchhena buatsaih Poster Making Competition-a lawmman dawngtute hnena lawmman semna hun Pu Kennedy H. Vanlalchunga, Account Assistant chuan a hmang a ni. Lawmman dawngtute chu

1st Prize : RTO, MADC

2nd Prize : ECM KTP Br. Bazar

3rd Prize : Gospel Centenary Govt. Vaihpi H/S

Consolation Prize :

(i) Khawngaihsanga, Govt. Vaihpi H/S

(ii) Aye Aye Maw, Govt. Vaihpi H/S

te hnenah Citation leh Pawisa fai hlanna hun hman a ni a, Programme kar lakah zaithiam Nl Pricilla Nôtlia in kalkhawm te zaiin a awi a, Pu KC. Robin Thahmô, SFL chuan lawmthu sawiin programme hi tihtawp a ni.