No.3329/2021-2022

Aizawl, the 9th December 2021 : Vawiin chawhma khan Agriculture Minister, Co-operation leh Irrigation & Water Resources changtu ni bawk Pu C. Lalrinsanga chu National Bank for Agriculture and Rural Development (NABARD) Chairman Dr. G. R. Chintala chuan a pisa ah hmuin inkawmna hun tha tak an nei a, NABARD leh Mizoram Sawrkar thawhhona hrang hrangte an sawidun a ni.

Pu C. Lalrinsanga chuan NABARD in Mizoram Sawrkar kawng tam taka a lo puih tawhna leh puih meknaah, a bik takin RIDF chungah lawmthu sawiin tunah NABARD lama tanpuina dil mek – leilet WRC siam belhna atana ram develop tur, leilet leh huan inkalpawhna, Link Road chungchang te, Primary Agriculture Society-te (PACs) computerization tur te chu ngaihpawimawh sak turin a ngen a. NABARD Chairman chuan hengte hi a lo bawhzui tur thu hrilhin PACs tihchangtlunna tur PACs as Multi Service Society scheme, tunah PACs 3 a kalpui mekte chu Mizoram PACs ti tha 28 ah kalpui vek theih nise chuan Cooperative Movement chu Mizoramah a chak sawt a rin thu Minister a hrilh a. Agriculture Minister chuan NABARD Chairman hi thlai chi chungchang Seed Bank Program ngaihtuah sak turin a ngen bawk a ni.