No.3328/2021-2022

Aizawl 9th December, 2021: Vawiin khan DC Conference Hall, Mamit-ah Dr. Lalrozama, IAS District Bawrhsap hovin District Level Monitoring Committee on Prime Minister Employment Generation Programme (PMEGP) neih a ni a, Mamit District chhunga PMEGP hnuaia hmalakna hrang hrangte thlirho zui a ni.

Meeting-ah hian Kum 2021-2022 chhunga District Industries Centre (DIC) leh KVI ten PMEGP Proposal an dawn dan leh an thehluh dan ngaihthlak niin DIC hnuaiah hian Target 22 ah Mamit District chhung Bank hrang hrangah hetiang hian dilna thehluh a ni. SBI Mamit ah 6, Zawlnuam SBI-ah 4. Mizoram Rural Bank, Mamit-ah 8, Rawpuichhip-ah 1 avaiin dilna thehluh hi 19 a ni. Hetah hian Margin Money chu 45.67 lakhs a ni. PMEGP hnuaia dilna lutte hi Online hmanga tih niin dilna form fill-up rual hian automatic-in Score card-ah mark inpe nghalin 60 mark hmu chinte dilna hi lo enfel niin Bank-ah thawn luh thin a ni.

KVIC Mamit hnuaiah target 29 ah Mizoram Apex Bank ah dilna pakhat thehluh a ni. KVIC, Mamit hnuaia dilna thehlut turte tan www.kviconline.gov.in ah thehluh theih a ni.

PMEGP chungchang inzirtirna Awareness Campaign karleh Thawhtanni 13th December, 2021 hian neih tum a nih thu meeting-ah hian tarlan a ni a. PMEGP hnuaia loan dil duhte tan hian DIC leh KVIC Mamit-ah te Office hun chhungin zawhfiah theih reng a ni bawk.

Meeting-ah hian District Level Monitoring Committee on PMEGP te an tel a ni.