Tukin zingkar khan Agriculture Minister Pu C. Lalrinsanga chuan a bial chhung Vanhne khuaa leimin tuarte tlawhin hma lak zui dan tur a enpui. Minister hi Vanhne khawtlang hruaitu ten an lo dawng sawng a, tun hnaia ruah sur nasa avanga harsatna tawk chhungkaw 4 te a tlawh a, VC te nen hmalakpui dan tur an en ho a ni. 

Vanhnea harsatna tawk chhungkuate hi Sanglianthanga, a ni hi an inhmun min hlauhawm a a awm avanga a in khawtlang in an thiah sak, hmun hima in hran YMA ten an sak sak leh mek a ni a, C. Lalchungnunga, inhnuai min leh Pu Lalremsiama inhmun min bakah  C Zoliana, inhmun khi te an ni. Leimin hlauhawm avanga harsatna tawk mekte a tlawhnaah hian Pu C. Lalrinsanga chuan khawtlang hruaitute a kawm nghal a, chhungkaw thenkhatin khuarel chhiatna avanga harsatna an tawh naah khawtlang hruaitu leh nu leh pa, mi tlawmngai ten theihtawp chhuaha tanpui ngaite an tanpui thin chu lawmawm a tih thu a sawi a ni. 

Vanhne leh a chhehvel rama hmasawnna hnathawh tur hrang hrang awm te sawi hovin Vanhne khuain ram an neih that Kangfim rama thlai uar zawk leh tha zawka chin a nih theih nan chak tak a hmalak mek a nih thu Minister chuan sawiin,  a panna tur kawng Agriculture Link Road kilometre 10 zet laihna tur pawh ruahmanna siam fel a nih thu a sawi bawk a ni. Heibakah hian Summual ram tha chawmna tur tulakna pui tham tak tur pawh duan mek a nih thu a sawi bawk. 

Minister chuan mihring damkhawchhuahna tak tak leilung nena inzawmah thlai thar chung changah rilru pek a, rinawmna leh taihmakna nen hlawhtling tura theihtawp chhuah a tul thu a sawi a ni.