No.539/2020-2021

Agriculture, Cooperation leh Irrigation & Water Resources Minister Pu C. Lalrinsanga chuan vawiin Ni.23.4.2020 khan a bial Lunglei West bakah Thorang Assembly Constituency chhunga khaw hrang hrang Village Level Task Force te tlawhna hun hmangin heng khua N.Khawlek, Buarpui, Bungtlang West, Changpui, Thenhlum, Tleu, leh Bunghmun West te hi a tlawh.

Minister chuan Covid-19 dona kawnga Village Level Task Force te mamawh hrang hrang ngaithlain ruahmanna te a siampui a. Agriculture Minister chuan Lockdown avanga harsatna hrang hrang awm thei ngaihtuahin loneitute pawhin puanven sawichhinga buh leh bal tam thei ang ber thar tura hmalak a tul thu sawiin, "Loneitu mai ni lo, a mimir tinin chuktuah huan te siam a, thlai thar kan uar a ?ul tak zet a ni" a ti a. "COVID-19 hrileng kara Mizo tlawmngaihna leh Zonunzemawi lo lang hi a mawiin a chhuanawm tak zet a ni" a ti.

"He hun khirh takah hian kuthnathawktute pawimawhna a lang chiang hle a, Mizoramah pawh buh leh bal thar leh intodelh pawimawhna kawngah harhna a thleng mek a ni" a ti a. "Agriculture operation hi lockdown hian a phuar ve thiang lova. Kan farmer ten zalen tak leh fimkhur taka thlawhhma an lak hi Sawrkar duhdan a ni." a ti bawk.

Minister chuan SEDP hnuaia Maize leh Pulse bakah thlai dang kalpui dan leh ruahmanna kal mek te, mechanisation kalpui dan te, COVID-19 dona kawnga sawrkar hmalakna hrang hrang te sawiin Village Level Task Force ten harsatna an tawh ang te a hmunah a enpui a ni.

Minister chuan Village Level Task Force hrang hrangah hian sumfai tanpuina leh task force te mamawh hmanrua a pe a ni .

Agriculture Minster hi Pu Tlangtimawia Zote, DAO, Lunglei leh official-te, leh Party hruaituten a zinna ah hian an ?awiawm a ni.