No.538/2020-2021

Dated Serchhip, the 23rd April, 2020: Vawiin hian Serchhip Horticulture Circle chuan an huam chhunga loneituten inkharkhip avanga harsatna an tawh sutkianna atan Circle Horticulture Office, Serchhipah thlai chi an sem.

Pu Lalnunpuia, Asst. Divisional Horticulture Officer chuan COVID-19 avanga ram puma inkharkhip kalpui anih mek avangin Serchhipa loneituten thlai tharchhuah lamah harsatna emaw khaihlak an neih loh nan Serchhip Horticulture Division chuan thlai chi an neih ang angte chu a thlawna an sem thu a sawi a. Thlai chi hnianghnara semchuah tur an nei lo erawh chu loneitute leh mipuite hriatthiamna ngenin, a dawngtuten hlawhtlinpui ngei turin leh mahni tan mai nilo, midang tana malsawmna ni thei turin a chah a ni.

Vawiin vek hian Serchhip Horticulture Division hnuaia Circle hrang hrang- N. Vanlaiphai, Chhingchhip leh Thenzawl ah te pawh thlai chi hi sem chhuah a ni bawk a ni.

Thlai chi sem chhuahna hun hi Pu Biakhmingthanga, CHO Serchhip chuan a kaihruai a, Serchhip Circle huam chhunga Local Task Force hruaituten thlai chite hi dawngin an huam chhunga loneitute hnenah a remchan danin an sem chhuak ve leh ang. Vawiina thlai chi sem chhuah te chu- Bean, Behlawi, Antam, Changkha, Hmarchapui, Fanghma, Bawrhsaiabe leh Yard long bean te an ni.