Vawiin chawhnu khan Agriculture Minister Pu. C. Lalrinsanga'n Convention Centre Conference Hall, Lunglei ah Head of Department hrang hrang te kawmna neiin Lunglei District hmasawnna tur sawihona neih ani. Pu C. Lalrinsanga hi Pu Lawmawma Tochhawng, Vice Chairman, High Powered Committee, Lunglei in a tawiawm a ni.

Inkhawm hi Pu Benjamin Lalzama, Addl. Deputy Commissioner, Lunglei in kaihruaiin Pu. C. Lalrinsanga chuan Lunglei District in kawng hrang hranga hma a sawn theih nan Head of Dept. te nena thawhhona tha leh inhmelhriatna neih a ngaih thu a sawi a, harsatna an neih te hriatsaka bawhzui dan kawng ngaihtuah anih tur thu a sawi a. Sorkarin Dept. hrang hrang a post indaihlohna te a hria a a hnawhkhah dan ngaihtuah turin forum din ani ati. Lunglei District chhung ah Dept. hrang hrang te hmalakna thenkhat ataka hmuh tur a awm avangin lawmawm a tih thu a sawi.
 
Lunglei District hmasawnna leh hmathlir thenkhat abik takin kawngpui, tui, kawlphetha, Agriculture, hriselna, zirna leh a dang te Head of Dept. ten sawina hun an nei ani