2126/2023-2024

LUNGLEI; the 3rd October,2023: Vawiin khan Pu C. Lalrinsanga, Minister for Agriculture, Irrigation & Water Resources leh Cooperation Department chuan Cheng nuai 250 senga sak Agriculture Department Multi Utility Warehouse, Lunglei chu a hawng.

He Multi Utility Warehouse hawnna inkhawm hi Pu James. Lalsiamliana, Director, Agriculture Department chuan kaihruaiin, Pu C. Lalrinsanga chuan khuallian niin Warehouse hi a hawng a ni.He hunah hian thu sawiin,Pu Sangtea chuan building tha tak Multi Utility Warehouse sak a ni ta chu lawmawm a tih thu tarlangin, Agriculture Department chu Department hlun tak nimahse tunhma atang tawhin sawrkar intodelh lo kan nih avangin thawktute hmunruak hnawhkhah kawngah harsatna tam tak a awm thin a.Thawktute hlawh leh thil dang a pun ve zel avangin Post ruak hnawhkhah kawngah duh angin hmalak a harsa a ni, a ti. Hetiang karah hian Agriculture Department hnuaiah hmasawnna hnathawh tam tak sawi tur erawh a awm tih sawiin; kuthnathawktute tan awlsam zawkna tur leh an hmasawnna turin Link Road siam leh Land Developement bakah tunlai thiamna kawng hrang hrang hmangin nasa takin hmalak a nih thu Minister chuan a sawi bawk.Vawiina hawn tak Multi Utility Warehouse tha tak sak puitlin a nih theih nana thawktute chungah lawmthu a sawi a, thawktute pawhin uluk tak leh dimdawi taka hmang turin a chah hlawm a ni.

Vawiina Agriculture Minister in a hawn tak Multi Utility Warehouse Lunglei a mi hi NABARD sum cheng Nuai 237.50 leh State Matching Share Cheng Nuai 12.50 senga sak niin; Zopa chhiara chhawng li(4) a ni. Hawnna inkhawmah hian Pu Lawmawma Tochhong, MLA, HPC Vice Chairman, Lunglei, Pu Lalzuithanga, Chairman, LMC bakah Agriculture Department-a officer te leh thawktu dang thahnem tak an tel a ni.