1054/2023-2024

Lunglei the 6th, July' 2023: Vawiin khan  Mizo Hmeichhe Insuihkhawm Pawl Venglai Branch, Lunglei chuan Convention Centre Hall ah MHIP Day vawi 49 na an hmang. Pu C. Lalrinsanga, Minister, Agriculture, Irrigation and Water Resources leh Co-operation Department changtu leh bialtu MLA nibawk chuan khuallian niin a hmanpui.

He hun hi Pi C. Lalneihthangi, Secretary, MHIP Venglai Branch chuan kaihruaiin khuallian Pu C. Lalrinsanga chuan MHIP Venglai Branch member te MHIP Day vawi 49 na chibai a buk a. Kan ram leh hnam hmasawnna tur leh a chhelai te siam tha tu chu MHIP te hi an ni a, mizo zia rang vawn nun kawngah min zawng chhuaktu duhdan a kan kal hi kalphung tur ani a, Pathian thu keng nung tur chuan nu te hi an pawimawh a, tunlai khawvel hmasawnna thangduang karah hian Pathian tihna tak tak nei turin kan tu leh fate kaihhruai a ngaih thu a sawi a, kan thalai te zingah ram leh hnam hmangaihna chang hrelo tam tak an awm ta a, ram leh hnam vei tura zirtir a ngaih thu a sawi bawk. Hmeichhia ten hma an sawn viau laiin mipate an hnungtawlh loh nan nu ten mawhphurhna an nei a, sualna laka kan ven a, ruihhlo laka an fihlim nan an kalna tur kawng kawhhmuh a zirtirna pek a pawimawh thu a sawi. MHIP Venglai Branch hian faina leh thianghlimna kawngah inrelbawlna tha tak din a, Lunglei khawpui hmel thui tak an tih lan theih a rin thu  sawiin, bawlhlawh paih chungchangah khawpui chhung leh khualkhua atanga  lo zin ten bawlhlawh paih kawngah hma an sawn theih nan an rilru ah faina leh thianghlimna pawimawih zia  tuh nghet thei tur hian hma an lak theih a beisei bawk a ni.  Mizo hmeichhiate hi kan ram siam tha tur leh kaihruai tur hian theihna an neih thu a sawi a. Khuallian chuan mizo hnam  hi tlem te kan la nih avangin fa neih chung changah pawh kan hriselna in a tlin anih  chuan fa atam thei ang ber nei tura hmalak a ngaihthu  a sawi bawk a ni.

Vawiin MHIP Day vawi 49 lawmna MHIP Venglai Branch ten an neih  ah hian Local Council, Mizo Upa Pawl aiawh ten thusawina neiin Group zai leh special item te entirna neiin hun hlimawm tak an hmang a ni. MHIP Venglai Branch ah hian member 881 an awm mek a ni.