1055/2023-2024

Mamit Dt 6th July, 2023 : Vawiin khan Chhimveng MHIP Rising Day lawmna, Chhimveng YMA Hall-ah Er.H. Lalzirliana, Bialtu MLA/ Vice Chairman, Roads & Infrustructure Development Board chuan khuallian niin a hmanpui.

Bialtu MLA chuan MHIP Rising Day vawi - 49 na lawmna a tel thei chu lawmawm a tih thu sawiin MHIP Members, Nu te chu ram leh hnam tan in hlu-in in pawimawh em em a, Khawvel chhandam turin hmeichhe hrin Lal Isua a lo piang angin, khawvel luahkhata fa hring tûra duan hmeichhia kan ni a ti. Khawvel huap ang pawhin Hmeichhe ropui tak tak an chhuak a, Mipa ropui tak tak pawh hi Hmeichhe hrin an nih avangin in hlu-in, in ropui a ni a ti bawk.

MLA chuan chhungkaw enkawl kawnga Nute pawimawhna a sang hle a. In a nu berin kan tawngkam hman leh miziate chu pawnlama an nunah a lang chhuak thin a, chuvangin in pawimawhna hre thara chhungtina nute chu fanau leh chhungkaw enkawl kawnga theihtawp chhuah zel turin a fuih bawk a ni.

Vawiin MHIP Rising Day hi Pi Vanlalauvi President, Chhimveng MHIP chuan kaihruaiin, Nl. Sapliannguri, Treasurer, Sub-Hqrs MHIP-in thusawina a nei a, Kum 2022 - 2023 chhunga members boral mi pahnih sunna hun hman a ni bawk.

Khuallian hian Chhimveng MHIP Rising Day lawmna atan Rs.10, 000/- (singkhat) leh Programme hmang zawng zawngte tan Pen a sem vek a ni.

Vawiin hun hmanna-ah hian Nl. K.Lalzamliani President, Sub-Hqrs MHIP, President MUP, Mamit Chhimveng te'n an telpui a ni.

MHIP Mamit Chhimveng Branch-te hian kum 2022-2023 chhung hian Rs. 2,23,050/- (nuai hnih sînghnih sangthum leh sawmnga) an thawkchhuak a ni.