Vawiin khan District Level Fire Prevention Committee, Lunglei buatsaihin Convention Centre Hall, Lunglei ah ni 11th - 16th, February 2019 chhung awh tur Fire Prevention Week 2019 (kangmei ven hapta ) chu Pu C. Lalrinsanga, Minister, Agriculture, Minor Irrigation & Water Resources leh Cooperation Department changtu chuan khuallian niin a hawng. Kumin kangmei ven hapta thupui chu'Ram tikang lo turin mitin i fimkhur ang u' tih hman ani.

Kangmei ven hapta hawnna inkhawm hi Pu Benjamin Lalzama, Deputy Commissioner leh Chairman, Lunglei District Fire Prevention Committee chuan kaihruaiin  Pu C Lalrinsanga chuan thu sawiin mei laka invenna chuan Economic Development a ken tel thu a sawi a, ram a kan chuan Pathianin  ramhmul damdawi engemawzat a dahte leh thing leh mau bakah nungcha kangralte chu a man anga chhut pawhin ramin a hloh nasa takzet thu a sawi a ni. Ram kang laka fihlimna chuan ram thang zel tur lakah nasa takin a pui a ni tiin ram kan chhan ber chu fimkhur loh vang a nih fo avang leh ram leilung venhim chu Pathian pawhin mihringte kuta a dah avangin kangmei laka fimkhur lehzual turin kal khawmte a chah a ni . Ram kang hi kan ram leilung tichhetu leh kan ramngaw leh nungchate ti chereu tu ber pakhat ani. Mizoram a chengte hi nitin kan khawsakna, kan eizawnna ah kan ramngaw ah te hian kan innghat nasa em em a ni.Huan leh lo kang ven thei lo a awm hi kan fimkhur tawk loh vang niin chuvangin khawtin VC ten lo hal hma in mei kawng sial lamah tan kan lak a ngai ani ati. Sik leh sa a lum tual tual a, tui hna a tlem tial tial  avangin thing leh mau chinbelh a ngaih thu a sawi bawk. Nikum khan Lunglei District chu kangmei ven kawnga hmalatha ber kan ni a kumin ah pawh hmala tha ber District ni thei tura tan lak a ngaih thu a sawi.

Dr. C. Vidhyasagar, IFS, DFO leh Member Secretary, Lunglei District Fire Prevention Committee chuan report pe in Mizoram ah  kum 2018 khan hmun1860 ah ramkang awmin chung zinga hmun 534 chu Lunglei District a thleng ani.Kangmei ven kawnga door to door campaign bakah lirthei a kangmei ven kawng awareness thil tar turte buatsaih a hmalak tum ani bawk.