Vawiin khan Mizoram Governor, Kummanam Rajasekharan chuan Orthodox Theological Seminary, Kottayam-a zirlai Rev. Zohmangaiha D.Th Final year, Rev. Lalbiakhlira M Th II, Rev. Vanlalliana M Th II, Rev. Vanlalmuanawma, M Th I leh anchhungte kawmna hun a hmang.

Governor chuan zirlaite chu Kerala nuam an tih a beisei thu sawiin, Mizo te’n Kerala rawn tlawh fo turin a sawm a. Zirlaite chuan Kolkata, Guwahati leh Aizawl inkar thlawhna man sang leh harsatna an neihte Governor hnenah hian an thlen a. Heihi Governor chuan ngai pawimawhin, harsatna sukiang turin theih tawp a chhuah tur thu a sawi a. Governor chuan zirlaite chu induhsakna entirnan Houseboat a hlan bawk a ni.

Zirlaite hi Orthodox Theological Seminary Principal Father Dr. Jose John-a kaihhruaina hnuaia zir an ni.