AH & Vety Department in 2011-2012 chhunga an hmalakna tlangpui te :

1.) Kum 2011-2012 chhung hian Ministry of Agriculture, Deptt. of Animal Husbandry sum pek Rs 466 lakh hmangin Vety Hospital 8 leh Dispensary 49 sak a ni.2.) Nabard puihnain Aizawl(Mualpui) leh Serchhip ah Slaughter House sak mek a ni a, Christmas hmaa hawn theih tura sak peih a ni ang. 3.) Champhai Milk Supply Scheme(Chamul) pawh hawn theihin peih a ni tawh a. Tunah nitin bawnghnute 850 liter vel an sem chhuak mek a ni. 4.) Ran damdawi inpui (Polyclinic Hospital) Rs 482 lakh NLCPR rawn pek hmanga Aizawla sak tur pawh chak taka kalpui mek a ni a. A sak hna hi PWD kutah hlan a ni a, kum hnih chhunga peih vek tura ruahman a ni. 5.) Ministry of Agriculture, Deptt. of Animal Husbandry chuan Bawngchaw (Fodder) chin nan Rs 578 lakh rawn pein a thawhkhatna atan 100 lakh a rawn release tawh a. He Rs 578 lakh hmang hian Community land unit 136 thlan fel tawh ah Fodder hi chin chhuah vek tum a ni a. Tih puitlin anih hun chuan bawngvulhtute harsatna sutkian anih ngei an beisei. 6.) Thenzawlah pawh Fodder Farm 100 Hectare aia zau siam a ni tawh a, tun fur chhung ngawt pawh hian Durtlang leh a chhehvel bawngvulhtute tan kartin truck trip khat phurh phei ziah a ni tawh. 7.) Mizorama kan vawk vulh mek hi vawk chitha zawka thlak tumin Rs 600 lakh hmangin RKVY hnuaiah kalpui mek a ni a. Tunah Nucleus Farm atan Selesih ah Laboratory sak hna tan mek a ni. 8.) PPP Mode in Tanhril Ar Farm hi kalpui turn a ni a. Heihi tihpuitlin anih hun chuan kumtin Artui 534 lakh thar chhuah turn a ni a, arte thlatin 40000 thar chhuah tum a ni bawk. Heta tana hman tur sum Rs 739 lakh pawh an neisa diam tawh. 9.) Tunhma lama Assam atanga ranchi dahthatna tui(Liquid Nitrogen)an lak thin pawh Assam atanga lak ngai tawh lovin, tunah chuan Tanhril leh Lunglei ah Liquid Nitrogen Plant dinin an intodelh tawh a ni. 10.) Kumin chhung hian School of Vety Sc. Lungpuizawl, Lunglei pawh RKVY hnuaiah sak that a ni dawn. 11.) Kumin chhung hian Champhai leh Lunglei Slaughter House pawh sak tan tum a ni. 12.) NLUP hnuaiah chhungkaw 9929 tanpuina pek mek a ni a. Kum tharah chhungkaw 4500 neih belh an inbeisei. Sawisel hlawh tak Haryana bawng leh Punjab bawng an lak chhuah pawh uluk taka Survey neih hnuah 93% chu bawng tha hnute nitin 8-15 litre sawr theih vek an ni tih report dawn a ni. Natural Calamity vang leh vanduaina thila ranthi te hi appraisal ah telh a ni ngai lova. Lo telh ta reng pawh ni ila 72% chu bawng tha an la tling tho a ni. Development work ah hian 50% thlen hi thil har tak anih laiin Vety Department in NLUP bawng an lak chhuahna achivement hi a sang hle tih loh theih a ni lo. 13.) Heng bakah hian Mizoram ranvulh a pungtual tual a, vety hospital leh dispensary leh rural animal health centre a ran enkawlte pawh a pung ve zel a, health care lam pawh mumal taka kalpuiin hma an sawn zel a ni. Tunah hian hnathawktute an indaih lo hle a. MPSC hnuaiah doctor 6 lakbelh a ni dawn a. Tuna VFA post ruak 37 awm te hi hnawh khah theih an duh takmeuh a ni.