Vawiin hian AH & Vety Department Serchhip chuan NLUP-NEDP Convergence Scheme Phase III hmanga ran vulhtute hnenah tanpuina sum 1^st installment an sem, beneficiary te bank account-ah dah sak an ni.

He scheme kaltlang hian Serchhip District chhungah Bawnglian vulh thlangtu mi 14 leh tlang bawng thlangtu mi 17 an awm a. Sial vulh thlangtu mi 26, Vawk vulh thlangtu mi 242, Ar vulh thlangtu mi 190 leh Kel vulh thlangtu mi 3 an awm a, an vaiin beneficiary 492 an awm a ni. Tanpuina sum 1^st Installment sem chhuah hi Rs. 2,41,80,000 niin, beneficiary te bank account ah dah luh sak niin tanpuina dawngtute hi tha tak leh dik takin an hmang dawn a ni tih intiamkamna leh APR ziah tir vek an ni.

Serchhipa NLUP-NEDP tanpuina sem anih rual hian district chhung hmun dang N. Vanlaiphai, Chhingchhip leh Thenzawl ah te pawh sem ani a. Vety Centre awmna- Baktawng, Chhiahtlang, Bungtlang, Khawlailung, E. Lungdar leh Lungpho ah te pawh Vety Staff ten anmahni bial theuhah an sem a, ran in sak dan an zirtir nghal a ni.

Serchhipa NLUP-NEDP tanpuina sum sem hun hi Dr. C. Zarzokima, DVO in a kaihruaia. Pu C. Biakchhawna, JVEO chuan Trade hrang hrangte hnathawh dan tur hrilhfiahin, ran in sak dan tur zirtirna a pe a ni.