Nimin khan Pu Vanlalngaihsaka, IAS, Mamit District Bawrhsap chuan Mamit khawpui chhunga NGO hrang hrang hruaitute leh thuthar thehdarhtute kawmin thawhhopuiah a sawm.

Inkawmhona-ah hian Mamit DC chuan thawhhona tha leh inunauna tha tello chuan khawtlangin hma a sawn theih loh thu sawiin thawhhona tha nei zel turin leh Sorkar leh ram tana thahnemngai tak leh inpawh tlang taka thawkho tura sawmin Sorkar hmalakna hrang hrangah thlawp tlat thin turin NGO hruaitute a ngen.

Mamit DC chuan pawl hrang hrangte thusawi chhinchhiah ngai an chhinchhiah reng tur thu leh bawhzui ngaite an theih ang anga an bawhzui tur thu a sawi.

Mamit-a thutharthehdarhtute pawh Sorkar hmalakna hrang hrang an puanzarsak thinna-ah lawmthu a sawi a. Kan hmalawka inthlanpui kan hmachhawn turah thawhhopui-ah sawmin hun lokal  zel turah pawh thawhhona tha tak an neih zel theih a beisei thu a sawi bawk.

Vawiin inkawmhona-ah hian DC Office-a Officer's te bakah Mamit khawpui chhunga NGO hrang hrang aiawh leh thutharthehdarhtute an tel tha hle a ni.