Vawiin khan A.H.& Vety Minister Pu C. Ngunlianchunga leh Vety officer ten Vety Rest House, Selesih ah meeting pawimawh tak an nei.

He meeting hi A.H. & Vety Director, Dr. LB. Sailo an a kaihruai a, meeting ah hian NLUP kal pui mek chung chang an thlir ho va, tha zawk leh chak zawka hmalak dan tur ruahmanna hrang hrang an siam. Pu C. Ngunlianchunga, Minister chuan thu sawiin sorkar flagship programme NLUP ah hian Vety Department hi beneficiaries nghah ber kan ni a, kan hnathawh leh kan in thlahdahna pawh a lang sar a, hemi avang hian meeting hrang hrang ah pawh a tha zawng leh a thalo zawng a sawi kan hlawh nasa a, department in heti zat officer mithiam rual kan nei che u a, tan kan la thar ang a, kan beneficiaries te hlawhtling ngei turin kan kaihruai tur a ni a ti.

Meeting-ah hian NLUP kalpui dan tur ruahmanna hrang hrang sawi nghal a ni a, beneficiaries tam tak ten awareness campaign an la mamawh hle ni in alang a, monitoring pawh District tinah chak taka kalpui ni se an ti a, hmalak tawhna atanga an dinhmun pawh uluk taka thlir chungin district tinah uluk zawk a beneficiaries te vil nise, hnathawk tha lo leh pek zawm thlak loh pawh chhan fel taka ziak in pek loh nise an ti.

NLUP hmalakna bak ah department revenue tam zawk hmuh theih dan tur kawng sawi hovin ruahmanna hrang hrang an siam bawk.