Vawiin chawhma dar 11:00 khan Agriculture Department, Serchhip District chuan Serchhip P&E Venga BNRGSK Hall-ah Serchhip khawpui huamchhunga NLUP 2nd , 3rd leh 4th Phase beneficiaries te kokhawmin Training a pe a, 2nd Phase beneficiary te hnenah NLUP 2nd leh 3rd installment tanpuina a sem nghal bawk.

Vawiina NLUP beneficiary te training leh tanpuina sem inkhawm hi Pu James Lalsiamliana, DAO-in kaihruaiin Pi Mary Lallawmkimi, AEO in beneficiary te hi zirtirna a pe a ni. NLUP 2nd Phase beneficiary te hnenah hian 2nd leh 3rd Installment tanpuina sem niin an hnathawh dan tur te uluk taka hrilhfiah a zirtir an ni a, APR leh hnathawktha tura an intiamkamna te sign fel tir nghal an ni bawk a ni. 3rd Phase leh 4th Phase a NLUP beneficiary NLUP tanpuina 1st Installment lo dawng tawhte pawh uluk taka an hmalak dan tur leh hna an thawh dan tur zirtir an ni a, hei bakah hian Serchhip VC-I, II, III leh IV huamchhunga Agriculture Department NLUP beneficiary zawng zawngte pawh koh tel niin Training hi pek an ni bawk a; vawiinah vek hian Serchhip District chhung khaw hrang hrangah NLUP 2nd Phase beneficiary te 2nd leh 3rd Installment sem an ni a, 2nd , 3rd leh 4th Phase beneficiaries te Training pek vek an ni bawk. Serchhip District Agriculture Department hnuaia thawktu te insemdarhin heng khaw hrang hrangahte hian an kal a ni.

Vawiina NLUP 2nd Phase 2nd leh 3rd Installment sem dan hetiang hi a ni :-

NLUP hnuaia khaw hrang hrang awm zat : Khaw 43

2nd leh 3rd Installment dawng chhunzawm tlak :

WRC-I = 226 beneficiaries

WRC-II = 254 beneficiaries

Oil Palm = 183 beneficiaries

Sugarcane = 41 beneficiaries

TOTAL = 704 beneficiaries

Hma la thalo, tanpuina dawn tur hren sak (chance pek an ni a, an dik nawn leh phawt an ni ang)   : 230 beneficiaries

Defaulters : 11 beneficiaries