3331/2023-2024

Aizawl, 12.1.2023: Vawiin chawhma khan A.H. & Vety Minister Pu C. Lalsawivunga chuan Directorate of A.H. & Vety Department, Khatla tlawh in, thawktute nen inkawmna hun a hmang.

Minister tlawh pual hian Mizoram State Veterinary Council Hall-ah programme tawi buatsaih a ni a. Thu sawiin Minister chuan Mizote hi kan pi leh pute aṭanga ran vulh ṭhin kan nih thu sawiin, ram lo changkang zelah ran enkawlna pawh hmanrua ṭha leh kalphung mumal zawk a awm chhoh tak zel avanga ranvulh tute tan eizawnna hlawk zawk nei tura kawng a inhawn tak zel thu a sawi a. Ram hruaitu hmasate leh Dept hotu hmasa te an hma lo lak tawh na a zahawmin thinlung takin zahna chibai ka buk a ni tiin Minister Pu C. Lalsawivunga chuan hmasawn chhunzawm zel turin theihtawp a chhuah tur thu a sawi a. "Chhungkua angin theihtawp chhuahin ṭan kan la chho anga, hmalamah mipuiin beiseina sang tak nen min en tih hre thar leh ila, min beiseina te ti hlawhtling turin ṭhahnem ngai takin thawk ila" tiin Vety department thawktute chu an thiamna leh finna te kuthnathawktute tan kal se a duh thu a sawi.

Pi Lalzarmawii, Commissioner & Secy chuan he hun hi kaihruaiin, Department hnathawh dan leh section hrang hrang hmalak mek te power point presentation hrilhfiahna neih a ni. Dr. C.Lalrintluanga, Director pawhin thu a sawi bawk.

Minister hian Directorate a section hrang hrang te fang kualin staff te nen in hmelhriatna hun a nei a. Minister hian Veterinary Polyclinic Hospital leh Epidemiological Centre te tlawh bawkin hnathawh dan te a en a ni.