3332/2023-2024

LUNGLEI; the 12th, January, 2024: Vawiin khan Nehru Yuva Kendra leh Sub Hqrs YMA, Lunglei te buatsaihin   Art & Culture Hall, Venglai Lunglei ah National Youth Day 2024  hman a ni. He hunah hian Pu Lalzuithanga Khiangte, Chairman,LMC chuan khuallian niin a hmanpui.

National Youth Day 2024 hmanna inhkawm Pu CMS Dawngliana Vice President, YMA Sub Hqrs,Lunglei kaihhruaiah khuallian Pu Lalzuithanga Khiangte chuan Swami Vivekananda in thalai te tan a inhmang mi a ni a, hnam hnuaihnung zawk te chawikan duh leh child marriage duh lo tu a ni a. Khawtlang leh ram tana hnathawk tu a nih thu a sawi bawk.Thalai ten kan ram dinhmun ngaihtuaha hmasawnna lamah ke pen turin a duh a, thalai awm mai mai leh ruihhlo tih mai mai a hun tawh loh thu tarlangin tum mumal nei a hmasawnna kawng zawh tura inbuatsaih a hun thu a sawi a ni. 

K. Lalrinchhana, NYK Lunglei chuan National Youth Day/ National Youth Week hman a nih chhan sawiin   12th January, Swami  Vivekananda  pianni  hi  Government of India chuan 1984 khan National Youth Day ah a puang a, hemi hapta chhung zawng 13-19 January 2024  chhung hi National Youth Week ti a hman a ni a, thalaite hian ram tana an pawimawh zia pho chhuahna leh in zirtir nan ruahman a ni a. Tlawmngaihna pawimawh zia in zirtir bakah Swami Vivekananda zirtirna te puanzar a ni thi thu a sawi.

National Youth Day hmanna ah hian Declamation Contest on My Bharat - Vikst Bharat @ 2047  (Thusawi intihsiakna) a buatsaih  bakah, Pu Lalthabuanga, Traffic i/c in road safety chungchang a sawi  bawk a ni.