Tukin zingkar khan Animal Husbandry & Veterinary Minister Pu C.Ngunlianchunga chuan Bawngkawn Brigade rama Rural Animal Slaughter House sak mek chu a hmunah kalin a en fiah a. AH & Vety Department-a Engineer-te’n an hna kalpui dan leh hmasawn dan te an lo hrilh fiah.

Minister chuan an hna kalpui mek chu tha thawkhata a hriat thu leh hna pawh an thawk chak tawk hlea a hriat thu sawiin, a hna viltu Engineer-te chu an thawhrimnaah a fak a. A tha thei ang ber leh a chak thei ang bera hna chu thawk chhunzawm zelturina chah bawk.

He Slaughter House sakna atan hian National Bank for Agriculture and Rural Development (NABARD) atangin sum hmuh a ni a. A sa talhna tur building leh Chowkider Quarters tur te sak mek niin, a panna kawng pawh black top zawh tawh a ni a. Ran talh tur dah khawmna in te, retaining wall leh tankysiamleh 11kv line lakna tur transformer bun hna te pawh thawh thuai tum a ni. Civil works chu March thla chhung hian thawh zawh hman beisei a ni a; chumi hnuah khawlpui bun leh tur niin, kumin (2016) hi chuan hman theih tura ‘commission’ hman ngei beisei a ni.

Minister hi Aizawl Municipal Corporation-a Deputy Mayor Pu Lalringliana, Ward-II councillor ni bawk chuan a tawiawm a ni.