Nimin ni 29.1.2016 khan Parliamentary Secretary for Higher & Technical Education, Lawngtlai East Bialtu MLA ni bawk Pu H. Zothangliana chuan Chhimtuipui, Thlengang khua leh Vartek khaw inkar kal kaina tur leh lirthei phurhkaina atana buatsaih Marboat Service a hawng.

Lawngtlai District khawchhak lam tlangdung leh Lawngtlai khawpui inkalpawhna atana kawng hnai tak ruahmanna, Thingfal atanga Mamte leh Thlengang khuate paltlanga Sangau tlangdung kai theihna turin kawngpui, PMGSY atangin hun engemawchen atang khan sial tawh a ni a, amaherawh chu he kawng hian Chhimtuipui a paltlang avang leh leihlawn dawh mai theih a nih siloh avangin tum anga hman theihloh a ni reng thin. He harsatna sutkian a nih theihnan Pu H. Zothangliana chuan Chhimtuipui kalkaina tur Marboat hi a ngaihtuah a. Marboat kaina lai tur, Maurawpkai Approach Road leh a Lawngkai (Jetty) chu Sangau tlangdung khaw 9, VC 13 awmna ten thawhkhawmin Sangau BDO, Pu Vanlaltanpuia kaihhruaina hnuaiah an siam ve bawk a. Vawiinah hian chu inkalpawhna tur chu hawn a lo ni ta a ni.

Pu H. Zothangliana chuan,kanthawhhah lehkansensote theihnghilh vekakanlawmna ni a ni, he kawng hian nasa zawkinkansum leh pai tam tak luangral thin min chhawk dawn a, lawmloh rual a ni lo, a ti. A bial chhung mipuite a lawmpui takzet thu sawiin kumthar chibai inbuk paha hetiang thil hlu tak hawn tur a nei chu vannei a intih thu a sawi a ni.

Technical Report pein a hawnna inkhawm kaihruaitu Pu Vanlaltanpuia, MCS Sangau BDO chuan Maurawpkai siamrem nan leh Lawngkai lai tak pawh tur kawng sial nan Rs nuai 2 leh sing 9 an hman thu a sawi a, Saiha kaltlanga Lawngtlai leh Sangau inkar kawng aiin he kawng hi KM 57 zeta a tawi zawk thu sawiin, hun pawh darkar 2 deuh thaw a hlep theih thu a sawi. Bialtu MLA in Marboat a siamsak hi hmun hrang hrang atanga a hmanruate lakkhawm a ni hlawm a, Rs nuai 2 leh sing 5 vel zet Marboat bik atan hian sen a ni. A khawltha hi (Engine) Petrol hmang,SingaporelamasiamHorse Power 9 pechhuak thei a ni a, rit hi Utility Pick-Up Full Load chin phurkai thei tura duan a ni.

Nimina Marboat Service hawnna ah hian Sangau tlangdunga khaw hrang hrang hruaitute, Mamte leh Thlengang khaw hruaitute bakah Lawngtlai atangin LADC MDC te leh Official thahnem takin an tel a ni.