AH&Vety Minister Pu Nihar Kanti Chakma chuan vawiin khan Tlabung Town Hall-ah khawchhung Govt. Primary leh Middle School bakah SSA School zirtirtu 200 chuang Refresher Training a hmanpui a. Thusawiin Minister chuan Mizoram sorkarin Education Reforms a dinna chhan chu Mizoram chhunga zirna tih hmasawnna tur a ni, a ti a. Sorkar sikul aia mimal sikul kan bawh tak zawkna chhan chu zirtirtute mawhphurhna nia a hriat thu a tarlang. Sorkar policy leh programme te ngai pawimawha sorkar thawhpui thian turin zirtirturte chu a ngen a ni.
He inkhawmah hian Minister hian MLA fund atangin school hrang hrang leh NGO-te hnenah computer set 12 leh khaw hrang hranga a mamawhtute hnenah puanthuikhawl (sewing machine) 40 a sem bawk. He hun hman zawh hian Tlabung Higher Secondary School a tlawh a, he school 1st anniversary lawmna hun a hmanpui bawk.
Minister hian tun hnaia ruah leh thlipuiin chhiatna hrang hrang a thlen tuartute a tlawh bawk a. Diblibagh khuaa inchung rangva thlawkin a nghawnga a ah avanga nunna chan chhungte hnenah ralna tangkafai Rs.90,000 a hlan a. Hliam tuar dang pahnih damdawiina awm mekte pawh Rs.6,500.00 ve ve in a kan. Khawtlangin ei leh barah harsatna an tawh phuhruk nan Minister hian buhfai bag 40 a pe bawk.
Minister hian tun hnaia ruah leh thlipuiin chhiatna hrang hrang a thlen tuartute a tlawh bawk a. Diblibagh khuaa inchung rangva thlawkin a nghawnga a ah avanga nunna chan chhungte hnenah ralna tangkafai Rs.90,000 a hlan a. Hliam tuar dang pahnih damdawiina awm mekte pawh Rs.6,500.00 ve ve in a kan. Khawtlangin ei leh barah harsatna an tawh phuhruk nan Minister hian buhfai bag 40 a pe bawk.
