Vawiin chawhma dar 10 : 00 khan nithum chhung awh tur Census Supervisors leh Enumerators te tan D.C. Conference Hall, Saiha-ah Census chungchang training na neih a ni.

 

 

He Training  hawnna inkhawm hi Pu Donny Lalruatsanga, B.D.O. & Charge Officer, R.D. Block Saiha chuan a kaihruaia, Pu V.Lalengmawia, S.D.O. (S) Saiha chuan thu sawiin Census pawimawh zia leh sawrkar planning zawng zawng te pawh Census hmanga siam vek anih thu a sawi a, Census hi kum 1872 atangin India ramah neih tan a nih tawh thu leh Census lo neih tawh dan hrang hrangte bakah he thilin a kaihhnawi dan leh hrai chi hrang hrangte dan bawhchhiate hremna pek an nih theih dante pawh a sawi lang bawk.  Tun tum Census ah hian nidanga tih ngailoh National Population Register (NPR) neih thar a nih dawn thu pawh sawi langin Census neih dawna hriattur pawimawh chi hrang hrang leh hming ziak danah pawh fimkhur a pawimawh thu a sawi bawk. Training-a tel te hnenah a pawimawh zia hria a taima tak leh rilru zawng zawng pe chunga training turin a chah a.  He Census Training ah hian Supervisors leh Enumerators 34 an training a ni.