Industry Minister Pu S. Hiato chuan May thla chhungin ngei hian NLUP dawngtu tur list peihfela training pawh neih pui hman ngei tum a ni a ti. He thu hi nimina Saiha a thlena amah lo hmuaktute sorkar officer leh party hruaitute hmaah  Saiha Circuit House a a sawi a ni.

 

 

 

 

 

Minister chuan NLUP hmang hian sorkar chuan theih tawp chhuahin mipuite khaichhuah a tum mek a, a hlawhtlin nan sorkar hnathawkte pawhin theih tawp chhuaha hma an lak a tul dawn a ni a ti.  Zoram mipui tam zawkte hian lo neih kan bansan tawh si a, state pawn lam buh thar sa ringawt ring tur kan ni lo tiin thawh tur awm a piangte chu thawh kan huam tur a ni a ti. Kum khat leh a chanve zet an sorkar chhunga mahni bial tlawh zing ber anih hian a in rin thu Minister hian sawiin sorkar hmalakna tawiawm tlat turin a bial mipuite chu a sawm nawn leh a ni.

Industries Minister rual hian Meghalaya Public Service Commission member pali an Chairperson Pi VSB Sangma hovin Saiha an lut ve bawk.

Industries Minister hian Mara District Congress Assembly-ah khuallian niin a tel pui.