Mizoram Sorkar AH&VETY Department chuan vawiin khan anmahni Conference Hall-ah kum kalta 2012-2013 chhunga an hnathawh thlirletna hun an hmang a. AH&Vety Minister Pu NK Chakma, Secretary Pu T. Sangkunga leh Director LB Sailo ten an ho a ni.

Review Meeting ah hian thu sawiin Minister chuan AH&Vety Dept. hi Mizoram sumpai, ei leh bar (economy) nghawng thei khawp Department pawimawh a ni, a ti a. Ran vulh lam tuipui mi Mizote zingah hian a enkawl dan tur dik tak inzirtir te, ran hriselna leh tawhsual an tawh palh thu a insurance neih pawimawh zia te chu he Department a thawktu doctor leh VFA te hian an hna pangngai bakah an tih tur ani ati.NLUP chungchang sawi langin Pu NK Chakma chuan State pawn atanga bawng lakluh thenkhat in harsatna tlem a zawng min thlen mahse, heng te hi tunah chuan hlawhtlinna leh tan min lak uar tir tu an ni a. Banghnute thar chhuah nasa tak a lo pung ta te hi NLUP hlawhtlinna hmuh theih hmasa an ni ta a ni.

AH & Vety Secretary Pu T. Sangkunga chuan he Department in mipui te tana hna a thawh na kawngah Sorkar a thlen tur leh rawtna chak taka bawhzui anih dan te, ruahmanna hrang hrang atana sum awmte chu dik taka hman leh hmanralna a hun taka thehluh thin pawimawh dan te, sum pai vawn kawng a fimkhur a tul dan te Officer hrang hrang te chu a hrilh a ni.

Vawiin meeting-ah hian District tina Vety Officer te leh Directorate a mi ten an Department chhung a an hmalakna hrang hrang report pe in an hmachhawp te an sawilang. NLUP, RKVY, RIDF, Grassland Development Scheme, Lifestock Census bakah Sorkar laipui bul tum a Vety Hospital leh Dispensary sak mek leh sak tur chungchang te chu vawiina an soiho langsar zual deuhte an ni.