Vawiin chawhma khan AH&Vety Department, Lunglei chuan Vety Farm Complex, Farmveng ah Lunglei khawpui chhung a  NLUP 3rd leh 4th Phase Beneficiaries 330 te hnen ah vawk note 1350 sem a ni. Pu S.Laldingliana, Vice Chairman, High Powerder Committee, Lunglei chu khuallian a ni.

Vawk note semna inkhawm hi Dr.Vanlalbuanga, DVO Lunglei in kaihruai in khuallian Pu S.Laldingliana chuan NLUP 3rd leh 4th Phase tanpuina vawk note dawng turte a lawmpui thu a sawi a, Mizoram sawrkar in mirethei leh chanhai te NLUP hmang a khaichhuah a eizawnna neilo te eizawnna nghelnghet siamsak hi a tum a ni a ti. Vawiin a vawk note tanpuina dawngtu te hian rilru nei taka enkawl a ti puitling ngei turin a duh thu a sawi a, vawk leh vawksa a kan intodelh theih nan tanpuina dawng tute tan la a chhungkaw tan a eizawnna puitling neih theih nan a tan la theuh turin a chah a ni. 

Pu Zathangliana, District Co-ordinator NLUP Lunglei pawhin thu sawi in sawrkar hmalakna hi theihtawp chhuah a ti hlawhtling turin a duh a, Vety Department ah hian Lunglei District hi kan intodelhna a sang tawh hle a, hei hian ran vulhtute taihmakna leh thawhrimna vang a ni a ti. Dr.Lalnuntluanga, Jt Director, AH&Vety Southern Zone chuan Beneficiaries te tihtur chu sawrkar ti beidawng lova tanpuina an dawn te a tak a ti hlawhtling turin a chah bawk a ni.

Beneficiary pakhat tan hian vawk note paruk theuh dawng tura ruahman a ni a, vawiin ah hian chhungkua pasarih te hnen ah vawk note panga, chhungkaw pakhat hnen ah vawk note pali, chhungkaw 207 te hnen ah vawk note pathum theuh leh chhungkaw 115 te hnen ah vawk note paruk theuh dawng tura ruahman a ni. 

 

Attachment

  • Loading attachment...