501/2026-2027 

Dated Aizawl the 13th May, 2026 : Vawiin chawhma khan AH&Vety Minister Pu C.Lalsawivunga chuan AH&Vety Rest House Selesihah Mizoram Veterinary Service Association Annual General Conference vawi 44 na chu khuallian niin a hmanpui a. AH & Vety Secretary Pu Lalsangliana chu khual zahawm a ni.

Minister chuan thusawiin  AH&Vety Department chu Mizoram economy innghahna bulpui a ni a, “sorkar hmalakna tihlawhtling turin thahnemngai takin mahni zawn theuhah hna i thawk ang u”, tiin member te a fuih. Artuia intodelh tura hmalakna Mega Egg production project Thenzawlah kalpui mek chungchang sawiin Minister chuan he project hi arpui nuaikhat leh artui 70,000 thla tin thar chhuahna tur a ni, a ti. “ASF avanga kan vawk vulh te nasa taka kan chan hnuah National Livestock Mission hnuaiah Animal Insurance chu ni 10 February khan kalpui tan a ni a,he insurance hi India ramah pawh a nei tha ber kan ni a ranvulh tute pawh an lawm hle a ni”, Minister chuan a ti a. Ranvulh tuten an ran te an insure ngei na turin Department a hnathawk tute hma lakpui turin a chah a. Ran chaw lak tur te a van tawh avangin nasa takin bawng population a tlahniam a, hemi lamah hian tan la in Department chuan ranchaw fodder nasa taka ching turin hma a la mek, tih a sawi a. Mizoram hmun hrang hrangah ram te en mek niin, ranvulh tute an ina kal chilh a, an harsatna te sut kian pui thin turin member kalkhawm te Pu C Lalsawivunga chuan a sawm a. Mahni zawnah rinawm leh thahnemngai taka thawk turin a fuih bawk.

He hun hi an President Dr Robert Rualthankhuma chuan a kaihruaia, Dr Lalrotluanga Sailo Director hnen atangin inlawmna thu ngaihthlak a ni. Secretary report Dr V.Lalzarzova'n a pe a ni.

MVSA member Dr Malsawmtluangi Ralte chuan Best PhD thesis Award a dawn avangin lawmpuina hlan a ni a,Dr Rosangzuala Vice President in lawmthu sawina in chawhma hun a khar. 

Vice President Dr TC Lalthanzauva chuan chawhnu hun a hruai a. Finance report, Awareness program,Annual conference rorel bakah member pension tur thlahna hun hman a ni. 

MVSA hi 15th October 1975-ah Mizoram Veterinary Association (MVA) ti a din a ni a, tunah hian AH & Vety Department-ah MAH&VS post 115 awmah thawklai 73 an awm mek a ni.