500/2026-2027

Saitual, the 13th May, 2026: Vawiin khan DC Conference Room, Saitualah, District Bawrhsap Pu Srinivas Sadi kaihhruaiin Saitual District Level Authority chu an thu khawm a, department hrang hrang ram leh quarters neih dan te an sawiho.

He hunah hian Saitual Bawrhsap Pu Srinivas Sadi chuan May ni 20 ral hmain Department hrang hrang hotute chu ram leh quarters an neih dan te, an harsatna tawh te leh an mamawh te thehlut turin a chah a, a theih ang anga sawrkar lam atanga hma lak a inhuam thu a sawi bawk. Bawrhsap chuan DC Complex chu KVIB ram a nih avangin DC ram a nih theih nan hma lak mek a ni, a ti a, DC Complex chhunga office ram pek te pawh land lease mumal tak pek an la nih tur thu a sawi bawk a ni.

Vawiin thutkhawm hi Saitual Bawrsap Pu Srinivas Sadi chuan a kai hruai a, Pu Vivek Kumar Maurya, SP, Pi Mary L Rodinpuii, SO bakah Saitual District Level Authority member dang te an tel a ni.