499/2026-2027

Siaha the 13th May 2026: District Development Coordination & Monitoring Committee (DISHA) meeting chu vawiin khan District Rural Resource Centre, DRDO, Siaha-ah Mizoram Lok Sabha MP Pu Richard Vanlalhmangaiha, DISHA Chairman hova neih a ni a, he hun hi District Bawrhsap Pu VL Hruaizela Khiangte chuan kaihruaiin 40- Palak (ST) A/C MLA Pu K Hrahmo leh MADC CEM Pu M Laikaw pawhin an hmanpui a ni.

Lok Sabha MP Pu Richard Vanlalhmangaiha chuan Palak MLA Pu K Hrahmo, MADC CEM Pu M Laikaw , District Bawrhsap Pu VL Hruaizela Khiangte, Department hotute leh NGO hrang hrang aiawh kalkhawmte chungah lawmthu a sawi a, DISHA meeting hlawhtling taka neih a nih theih nana tha taka an in buatsaihnaah lawmthu a sawi a ni.

Lok Sabha MP chuan Quarter tina neih thin DISHA meeting chu a pawimawh hle a, department tinte thawhhona tha neih kawngah hmanraw pawimawh tak a ni a ti a, in bengvar tawna district hmasawnna tura infinchhuah tawn thin turin memberte a chah hlawm a ni.

Vawiina DISHA Meeting-ah hian Department hrang hrang hnuaia Sawrkar Laipui Scheme khawihtu ten DISHA meeting hnuhnung bera action point tur an duan dinhmun thlirho a ni a, 2025-26 kum chhunga Scheme khawihtute hmalak tawhna te ,hmachhawp an neih te leh harsatna an neih te thlir ho nghal a ni.

DISHA chu Ministry of Rural Development, Govt of India hnuaia programme niin District hrang hranga Central Sawrkar Scheme te vil a, central scheme khawihtu department hrang hrangten thawhhona tha an neih theih nana hmalakna a ni a, Member of Parliament, Lok Sabha chu chairman niin District Bawrhsap te Member Secretary an ni thung a ni.