Vawiin khan AH&Vety. Minister Pu C.Ngunlianchunga chuan AH&Vety. office, Lunglei a tlawh a, AH&Vety. Joint Director Dr.K.Rokhawla leh DVO Lunglei Dr.Vanlalbuanga ten an lo hmuak a ni. Anni bakah hian Minister lo tawimawmtute chu Dr.Lalrinpuii, Principal-cum-General Manager; Dr.Lalnghinglova, Instructor-cum-Manager; Dr.K.Lalchhuanawma, Instructor-cum-Manager; Dr.F.Lalramhluna, Sr.Vety. Officer; Dr.Zirsangliani, Vety. Officer; Dr.Zohminglianai, Vety. Officer leh Dr.C.Lalthankhumi, Manager, District Poultry Farm & IDDP te an ni.

AH&Vety. Minister Pu C.Ngunlianchunga chuan AH&Vety Department hnuaia hmalakna hrang hrang awmte chu a lungawithlak thawkhat hlea a hriat thu sawiin Vety Department officers leh staff te thahnemngaihna chu a fak a. Department hnathawkten mamawh leh harsatna Minister hnena an thlente chu Pu Ngunlianchunga chuan bawhzui nghal a tum thu a hrilh a ni.

AH&Vety. Farm, Lungpuizawl hi kum 1972-ah Cattle Breeding Farm (CBF) tia din tan a ni a, kum 1983 atang khan vawk note leh bawnghnute man tlawm zawkin mipui hnenah hralh chhuah thin a ni. Kum 1994 atang khan he hmunah hian School of Vety. Science pawh din belh a ni a, kum 2008 atang khan Principal-cum General Manager awpna hnuaiah Farm leh School te hi dah a lo ni ta a ni. AH&Vety. School din tirh atangin Batch 14-in Training zo tawhin VFA 293 lai an chherchhuak tawh a ni. Tun Academic Year 2014-2015 hian zirlai 24 lak fel ni tawhin class pawh June ni 9, 2014 atang khan neih tan tawh a ni. Sorkarin NLUP a kalpui hnuin Base Pig Breeding Farm (100 sows unit) atana buatsaih niin NLUP beneficiaries-te hnenah vawknote hralh thin a ni a; Zovawk (local breed) hi Mizorama a mang mai loh nan he Far-ah hian Zovawk engemawzat vulh a ni bawk a, a note te mipui hnenah hralh chhuah thin a ni bawk.

DVO Office Lunglei hi kum 1962 atangin SDVO hova bultan a ni a, kum 1977 khan District vety. Office-ah hlankai a ni. Lunglei District chhunga ran damlo enkawlna Dispensary, Chanmari-a mi hi 1960-ah tan a ni a, 1992-ah Vety. Hospital puitlingah hlankai a ni a. Sr. Vety. Officer leh Vety. Officer te leh staff ten an thutchilh mek a ni. District Poultry Farm, Lunglei hi April 1977 atanga din tan a ni a, tunah hian Manager 1 leh staff ten an thutchilh mek a. IDDP Lunglei hi November 2001 atanga tan a ni a, Manager leh staff ten an enkawl mek bawk a. Heng bakah hian Lunglei District chhungah hian Sub-Division pakhat SDVO Tlabung a awm a, hei hi 1973-ah din tan niin tunah hian SDVO leh Vety Officer leh Staff ten an thutchilh a ni.

Printing & Stationery Minister a nihna angin Pu C.Ngunlianchunga chuan Lunglei Govt. Press, Salem te pawh a tlawh nghal a; an harsatnate sutkianpui dan tur ngaihtuah a ni ang, a ti.