572/2025-2026

Aizawl, 13^th May, 2025: Information & Public Relations Department leh Mizoram Art Development Society tangkawpin a bultum Solo Art Exhibition chu vawiin khan I&PR Secretary Pi Betsy Zothanpari Sailo chuan Vanapa Hall-ah a hawng a. He Solo Art Exhibition ah hian Artist Vanlalzarzova, Upper Republic kutchhuak pholan a ni.

I&PR Secretary Pi Betsy Zothanpari Sailo chuan artist thiam tak tak Mizoramin a neihte theih ang anga chawikan chu a ngaihpawimawh thu sawiin, an kutchhuak mawi tak takte phochhuahna hun buatsaih a ni thei chu lawmawm a ti a; mipuiin an hlut sak ngei a beisei thu a sawi. Tunlai technology khawvel hmasawn zelin a hrinchhuah Artificial Intelligence hmanga lemziak hrang hrang awlsam taka siamchhuah a nih tak chungchangah I&PR Secretary chuan heng AI hmanga siam tam tak karah hian mi zawng zawngin an siamchhuah ve theihloh mihring kutchhuak nge nge chu a hlut zawk thu a sawi.

Exhibition hawnna pual inkhawm hi MADS Vice President Pu Laltanpuia chuan a kaihruai a. I&PR Department officer ten an telpui bawk a ni.

He Painting Solo Exhibition hi May ni 17, 2025 thleng Vanapa Hall ah hian mipui a duh duh tan en a lei theih a ni ang.