Sawrkar laipuiin mipuite hmasawnna tura ruahmanna asiaminhrilhhriatna Public Information Campaign (PIC) nihnihna chu vawiin  khan Aibawkah chhunzawm a ni.

Press Information Bureau bul tuma buatsaih Public Information Campaign chhunzawmna ah hian khuallian Mizoram Youth Commission Chairman Pu T. Sangkunga chuan kumtharah Mizoram Youth Commission bultumin Mizoram ah thalaite tan UPSC, SSC leh sipai lam tangduhte tan sawrkar in inzirtirna hun coaching class a kalpui dawn a ni, a ti a. Hei bakah hian Mizoram Youth Commission Office ah training na hmun tur siam mek a nih thu leh DoNER Ministry atangin Cheng vbch 2 dawn anih thu a sawi a ni. Pu T. Sangkunga hian Public Information Campaign puala DAVP in thlalak hmanga sawrkar hmalakna pho chhuahna hmun  tlawhin a fangkual nghal bawk a ni.

Doordarshan Programme Executive Pu Vanlaltlana Varte kaihhruai PIC inkhawm ah hian Aibawk BDO Pu Lalmuanpuia chu khual zahawm niin a ni hian sawrkar laipuiin mipuite hmasawnna tura ruahmanna asiamte mipuiten an hriatchian a pawimawh thu a sawi bawk. PIC Core Committee Chairman Pu Mangjangam Touthang chuan kalkhawm mipuite te hnenah PIC kalphung te a sawifiah a, lawm thu sawina hun AIR Programme Executive Pu Biakchungnungan a hmang bawk a ni. Chawhnu lamah mipuite hnena sawrkar hmalakna inhrilhhriatna hun technical session neih a ni a, mizoram journalist association  (MJA) Secy pu Lalrinmawia leh treasurer pu R.Lalhmangaihzuala ten an kaihhruai a, rural development department kaltlanga hmalakna leh Sansad Adarsh Gram Yojana chungchang leh faina atana beihpui thlakna Swachh Bharat Abhiyan chungchang mithiamten an zir tir a ni.

Aibawk a PIC neih a nih rual hian Phullen khuaah Field Publicity buatsaihin hun hman a ni a, Health & Family Welfare Department buatsaihin a thlawna in entirna hun neih a ni bawk.